FATXADEN ESTALDURA

Fatxada elementu garrantzitsu bat da eraikin baten arkitektura diseinuan. Fatxadaren estetikak eta formak higiezinaren historia eta izaera ebazten dute, eta eraikin baten aurpegi nagusia osatzen dute.

Baina alde estetikoaz gain, kontuan hartu behar diren beste faktore batzuk ere badira; isolamendu termikoa, akustikoa eta irazgaiztea. Horregatik, Bizkaian fatxaden estaldura hautatzerakoan hemengo klima hartu behar dugu kontuan, baita gure eremuko kutsadura akustikoa ere. Gaur egungo sistema eta materialen aniztasun zabalari esker barne erosotasuna sortu ahal dugu, eta, aldi berean, eraikinaren kanpo edertasuna hobe dezakegu.

Fatxada birgaitu baten estalduran erabil daitezkeen materialak asko dira, baina aurretik estaldura enpresak eraikinaren estilo arkitektonikoa aztertu behar du, eta eraikinaren egitura beharrizanak bezeroaren edo erkidegoaren gustuen arabera egokitu behar ditu.

Protección del cerramiento frente a filtraciones.

FATXADAK IRAZGAIZTEA

Insignian zure eraikina birgaitzen dugun bitartean fatxadak irazgaizten espezialistak gara. Gure helburu bakarra fatxada eraginkortasunez irazgaiztea da, eraikin bakoitzeko beharrizanetara moldatuz.

Esperientziagatik dakigunez, urteek aurrera egin ahala eraikinetako fatxadak hondatzen hasten dira. Kutsadura, euria… fatxadak xurgatzen ditu eta, ongi irazgaiztuta ez badago, denboraren poderioz, horrek eraikinaren egiturari kalte egin ahal dio. Horrez gain, higiezineko bizilagunei ere erasan ahal die, hezetasunak edota pitzadurak agertuko direlako.

Fatxadak irazgaizten dituen enpresa gisa, beti gomendatzen dugu eraikinetako fatxadak ongi egokituta izatea etorkizunean bizikideei gastuak aurreztu ahal izateko.

Azkenean beste aukerarik ez badago, eta, fatxadan esku hartu behar bada, kolorerik gabeko tratamenduekin irazgaizteko zerbitzuak eskaintzen ditugu, fatxaden estetika ez aldatzeko; bestela, koloredun estaldura iragazgaitzekin ere egin daiteke, eta horrek tonua aldatzeko aukera ematen du.

Ikusten den moduan, fatxadak irazgaizten dituzten enpresek makina bat baliabide dituzte fatxadak birgaitu ahal izateko. Horregatik, horrelako lan bat ematen diguten bakoitzean Insignian proiektu oro sakon aztertzen dugu, eta birgaitu behar den fatxadaren ezaugarrietara hobekien egokitzen den irazgaizteko sistema hautatzen dugu.

ESTALDURA MOTAK

Eraikin baten estalduran makina bat material erabil daitezke, baina, oro har, ohikoenak harria, zeramika, harri materialak eta kareharriak, iztukuak edota hormigoia dira, besteak beste. Material bakoitzak osagai desberdinak ditu eta, birgaitu beharreko fatxadaren arabera, dagokien funtzioa modu hobean edo okerragoan beteko dute.

ESTALDURA ZERAMIKOAK

Material egokia da birgaitu nahi dena fatxadak, kirol instalazioak edota zona publikoak badira.

Buztin egosietan oinarrituz daude eginda, eta tamaina, lodiera edota kolore desberdineko zeramika piezetan datoz, bezeroaren gustuaren arabera.

Honako hauek dira ezaugarri nagusiak:

Akabera estetiko anitza.
Mantentze eta garbiketa lan gutxi.
Iraunkorrak uraren edota hezetasunaren aurrean.
Ez dira sukoiak.

HARRI ESTALDURAK

Harria duten pareten estaldura lanetan harri naturala edo artifiziala erabil daiteke. Harri naturala estilo klasiko eta dotorea lortu nahi duten eraikinetarako dago diseinatuta. Material erabilienak honako hauek dira: granitoa, marmola, arbela… Eraikinaren fatxadari eman nahi zaion estetikaren arabera aukeratu beharko da bata edo bestea.

Akabera antzekoa eta merkeagoa nahi izanez gero, harri artifiziala aukeratu daiteke. Harri naturalaren testura eta kolorea imitatzen ditu, baina tamaina desberdineko panel edo plaketan dator.

Eguraldi txarraren aurrean ongi funtzionatzen dute eta alderdi positiboenetako bat da zona altuetan jar daitekeela, pisu arina duelako. Horrez gain, ez du mantentze lanik behar, ez delako garbitu behar eta denborarekin ez delako hondatzen.

HARRI ETA KAREHARRIKO ESTALDURAK

Harri eta kareharriko estaldurak zementu, kare eta igeltsu bidez egindakoak dira. Produktu horiek batuz gero pintura edota zigilatzaile modura erabil daitezkeen pastak sortzen dira; hala, estaldurekin iztukadurak edota hormigoituak sor daitezke.

EGUR ESTALDURAK

Fatxaden estaldura proiektuak egiteko gutxien eskatzen den materialetako bat egurra da. Oso moldaerraza da eta, horri esker, fatxadak landa eremuko estiloa lor dezake edo, aldiz, estilo dotore eta soila, baina mantentze lan handia behar du.

Aintzat hartu beharreko alderdi bat da eguraldiaren gorabeherak oso modu nabarmenean ikusten direla zur edo egurrean. Hortaz, egurra aukeratu baino lehen egurra gure fatxadarako aproposa izatea aztertu behar da; egur gogorra aukeratu behar da, elondoa edo irokoa.

BESTELAKO ESTALDURA MOTA BATZUK

Batzuetan beste material bateko estaldurak erabiltzen dira, esaterako aluminio konposatua, plastikoak, altzairu herdoilgaitzak, beirak… Instalatzea zaila da, baina eguraldiaren aurrean oso gogorrak dira. Gainera, eraikinari izaera berezia eta esklusiboa ematen diote.

Zure eraikineko fatxadaren babesa eta itxura berritu behar dira?

Narriatutako estaldurak eraikinaren itxuran dauka eragina, baina, horren ondorioz, iragazketak zein hezetasunak ere sortu daitezke, eta fatxada bera ere askoz lehenago zahartu daiteke. Hori dela eta, jarduketa egiten hasi baino lehen, funtsezkoa da euskarriaren egoera aztertzea eta proiektu teknikoaren arabera estaldura-sistema egokiena zein den erabakitzea.

Insignian, Bizkaiko fatxaden estaldurak betearazten ditugu plangintzapean, esperientziaz eta material erkatuen bidez. Horrela, irtenbidea ondo zehaztuta dagoela, iraunkorra dela eta behar bezala betearazten dela bermatzen da.

FATXADEN ESTALDURARI BURUZKO GALDE-ERANTZUNAK

Insigniaren erantzuna

1. Noiz berritu behar da fatxadaren estaldura?

Eraikineko atal askatuak, pitzadurak, itsaspen-galerak, hezetasunak edo akaberen narriadura orokorra agertzen direnean. Itxura estetikotik haratago, estaldura txarto badago, eraikinak uraren aurka eta atari zabalean daukan babesa egon daiteke arriskuan.

2. Fatxadaren estaldurak hezetasunak eta iragazketak ekiditea ere badu helburu?

Bai, betiere, sistema egokia aukeratzen bada eta behar bezala betearazten bada. Estaldura ona bada, uraren aurkako babes-geruza egokia sortzen denez, oso lagungarria da iragazketak prebenitzeko eta fatxadaren bizitza teknikoa luzatzeko orduan.

3. Proiektu teknikoa egin behar da fatxada estaltzeko?

Bai. Fatxadak estaltzeko lanak arkitektoak idatzitako proiektupean betearazi behar dira beti, bertan sistema, materialak eta eraikuntzaren xehetasunak zein diren zehazten delako. Horrela, segurtasuna bermatzen da, arauak betetzen dira eta ondo zehaztutako irtenbide iraunkorra betearazten da.

4. Nolako estaldura da egokiena nire eraikinerako?

Euskarriaren egoeraren, atari zabaleko esposizioaren, eraikinaren ezaugarrien eta proiektuaren helburuen araberakoa. Hori dela eta, jarduketa egiten hasi baino lehen, ezinbestekoa da balorazio teknikoa egitea, kasu bakoitzaren arabera egokiena den irtenbidea aukeratzeko.

5. Zenbat dirau fatxada estaltzeko obrak?

Eraikinaren azaleraren, aukeratutako sistemaren eta konplexutasunaren arabera iraungo du. Balorazio teknikoa eta proiektua egin ostean, obraren plangintza egiten da, epe errealistak zehazten dira eta, prozesu osoan, erkidegoari ematen zaio informazioa, ziurgabetasunik sortu ez dadin.

Insigniarekin harremanetan jarri

insignia@obrasinsignia.com